周末亲子活动 孙中山 先生 150周年诞辰纪念展

2020-06-25 浏览量: 354

(Present by 香港历史博物馆)

做人阿妈,真係成日好想自己仔女学多啲嘢,好似海棉咁吸吸吸~吸哂啲知识就好喇。但又唔想自己做怪兽家长俾小朋友太大压力,所以最好嘅学习方法就係边玩边学习喇!

今年原来係 孙中山 先生嘅一百五十周年诞辰,香港历史博物馆举办咗嘅纪念展,展期大约一个月,仲係免费入场添,即刻带大家睇下有咩精彩内容!

周末亲子活动 孙中山 先生 150周年诞辰纪念展

同「孙中山先生」合照

今次展览小朋友最Enjoy应该就係呢个影相位喇,喺展览厅一楼一入门口就见到不同造型嘅「孙中山」迎接你,一比一嘅人像及人型纸牌,呈现咗清末民初身穿唔同服饰嘅孙中山先生。

周末亲子活动 孙中山 先生 150周年诞辰纪念展

一比一嘅人像及人型纸牌,绝对係影相位。

孙中山嘅历史足迹

孙中山先生时期嘅中国面对欧美列强交侵,经历咗甲午战争、八国联军之役、日俄战争等重要战争,好似好沉重,不过,今次展览就用咗讲故事嘅方式,同大家介绍孙中山嘅革命运动,成件事就好玩咗好多啦。喺香港睇孙中山展览,当然要认识佢同香港有咩关係啦,场内有介绍孙中山先生先后入读嘅拔萃书室(拔萃男书院)、中央书院(皇仁书院)同埋香港西医书院(香港大学医学院)添。仲有多媒体节目介绍,即刻好似上咗堂历史课咁呀!

周末亲子活动 孙中山 先生 150周年诞辰纪念展 周末亲子活动 孙中山 先生 150周年诞辰纪念展

透过多媒体节目认识孙中山先生,既有趣又学到嘢!

周末亲子活动 孙中山 先生 150周年诞辰纪念展

孙中山先生同佢嘅家人。

周末亲子活动 孙中山 先生 150周年诞辰纪念展

1912年孙中山先生在港督府留影。

珍贵画像

除咗孙中山先生本人嘅资料外,展览仲介绍咗好多同佢有关係嘅历史人物,当中有支持,亦有反对革命嘅人,当然少不了清廷嘅慈禧太后同末代皇帝溥仪。

周末亲子活动 孙中山 先生 150周年诞辰纪念展

周末亲子活动 孙中山 先生 150周年诞辰纪念展

慈禧太后同溥仪都係清廷的执政者,视孙中山为眼中钉,历史书一定会提到佢哋嘅名字。

周末亲子活动 孙中山 先生 150周年诞辰纪念展

原来孙中山先生喺30岁时,曾经喺夏威夷留下档案记录,佢有5呎5吋高,但体重只有120磅!

精选外国画报

除咗图片同录像外,展览仲展出好多旧报章,包括呢份英国画报,就係1911年辛亥革命期间出版,仲以「本周风云人物」去介绍孙中山先生。

周末亲子活动 孙中山 先生 150周年诞辰纪念展

卡通版嘅国父,又几趣緻喎。

周末亲子活动 孙中山 先生 150周年诞辰纪念展

1950年代末嘅日本儿童读物,以求学时期嘅孙中山为主题,果然气宇轩昂。

周末亲子活动 孙中山 先生 150周年诞辰纪念展

唔经唔觉都行咗差唔多一个半钟,周末可以Family Day之余,自己同小朋友都学到嘢,好开心!


孙中山一百五十周年诞辰纪念展

展期:12.11.2016 – 5.12.2016

开放时间:

星期一、三至五 : 上午10时至下午6时

星期六、日及公众假期:上午10时至晚上7时

星期二(公众假期除外)休馆

地点:香港历史博物馆一楼大堂(尖沙咀漆咸道南一百号)

免费入场

查询电话:2724 9042

网址:hk.history.museum

上一篇: 下一篇:

相关推荐